શાળાનાં સામાન્ય નિયમો

વહીવટી બાબતે :

શાળામાં પ્રવેશ વખતે જે તે શ્રેણીના એક માસના લવાજમની રકમ જેટલું પ્રવેશ લવાજમ લેવામાં આવશે, સત્ર લવાજમ દર જૂન તથા ડિસેમ્બર માસમાં લેવામાં આવશે.

( દર વર્ષે શાળાના વાર્ષિક ખર્ચ બજેટમાં થયેલ વધારા પ્રમાણે ફી માં વધારો થશે. જે માન્ય રાખવાનો રહેશે.એપ્રિલમાં શાળા છોડનારને મે માસનું લવાજમ આપવું પડશે. )

જે તે નવા વર્ષની વાર્ષિક અન્ય ફી ૩૧ મે સુધીમાં ભરી દેવી, જે તે વર્ષની જૂનથી દર ત્રણ માસની ફી જૂન, સપ્ટે., ડિસે., માર્ચ માસની ૧૦ તારીખ સુધીમાં શાળામાંથી પવામાં આવેલ ફી રસીદ બુક મુજબ સુટેક્ષ બેંક, તાડવાડી રાંદેર રોડ સુરત ખાતે જમા કરાવવાની રહેશે. તે કરવામાં ચૂક થયેથી વિલંબિત ચાર્જ જમા કરાવવાનો રહેશે.

જે વાલી આખા વર્ષની / છ માસની એડવાન્સ ફી ભરવા ઈચ્છા ધરાવતા હોય તેઓ જૂન માસમાં તથા ડિસેમ્બર માસમાં જમા કરાવી શકશે.

ધોરણ ૧ માં પ્રથમ દાખલ થનારે  જન્મ તારીખનો અધિકૃત દાખલો અને બ્લડ ગૃપ અવશ્ય આપવાના રહેશે. જન્મનો અધિકૃત દાખલો ઓફિસમાં રજૂ કર્યા બાદ પરત મળી  કશે નહીં.

શાળા છોડ્યા બાદ બે વર્ષ પછી શાળા છોડ્યાનું પ્રમાણપત્ર લેવા આવનારે પચ્ચીસ રૂપિયા ફી આપવી પડશે. વાલીની લેખિત અરજી સિવાય પ્રમાણપત્ર આપવામાં આવશે નહીં. વાર્ષિક પરીક્ષાની ગુણપત્રકની નકલ મળી શકશે નહીં. જેથી અસલ ગુણપત્રક સાચવી રાખવા વિનંતી છે. શાળા છોડ્યાનું પ્રમાણપત્ર મેળવવા અરજી કર્યાની તારીખથી એક અઠવાડિયા બાદ પ્રમાણપત્ર કાઢી આપવામાં આવશે.

શિસ્ત બાબતે :

સારી વાણી, વર્તન, આચરણ બાબતે તેમજ નિયમિતતા ચોખ્ખાઈ બાબતે વિદ્યાર્થીએ ધ્યાન રાખવું જરૂરી છે.

વર્ગમાં દરરોજની હાજરી સાથે શાળાની સ્પર્ધા-સમારંભોમાં નિયમિતતાને ધ્યાનમાં લેવામાં આવશે.

શાળામાં મોડા આવનાર / વધુ ગેરહાજર રહેનાર બાળકોને સતત ત્રણ સૂચના પછી સુધારો ન બતાવનારનું નામ શાળામાંથી કમી કરી શકાશે.

શાળા સમય દરમ્યાન અન્ય સાથે શારીરિક, માનસિક કે વાદવિવાદ કરીને કે શાળા ગરિમાને નુકશાન પહોંચાડનાર વિદ્યાર્થી વાલીએ, આચાર્યાશ્રીનો નિર્ણય માન્ય રાખવાનો રહેશે.

કારણ વગર અથવા શાળામાંથી લેખિતમાં જણાવવામાં ન આવે ત્યાં સુધી વધુ રોકડ રકમ બાળકને આપવી નહીં. પ્રવાસ માટે શાળામાંથી જણાવાય ત્યારે રકમ બંધ કવર પર નામનિર્દેશ કરી બાળક સાથે અથવા વાલી મિટીંગમાં આપવી..

હાજરી બાબતે :

જો કોઈ બાળકને ચેપી રોગ થયો હોય તો શાળામાં ન મોકલશો. સારું થયા પછી ફીટનેશ મેડિકલ સર્ટીફિકેટ સાથે મોકલવું. માંદગીની જાણ અવશ્ય કરવી.

શાળા ધોરણદીઠ મહત્તમ હાજરી ધરાવનારા બાળકોને પ્રમાણપત્ર આપવામાં આવશે.

વર્ષ દરમ્યાન શિસ્ત, અભ્યાસ, વર્તન વગેરે દરેક બાબતોને ધ્યાનમાં રાખી વર્ગદીઠ શ્રેષ્ઠ બાળકને મેડલ તેમજ દરેક બાળકને વર્ષ દરમ્યાન કરેલ કોઈક ખાસ સારા કાર્ય માટે પ્રમાણપત્ર આપવામાં આવશે.

બાળક શાળામાં આવ્યા બાદ રજા ચિઠ્ઠીને આધારે રજા આપવામાં આવશે નહીં. આકસ્મિક સંજોગોમાં વાલીશ્રીએ જાતે આવવું.

પરીક્ષા બાબતે :

૮૦% થી ઓછી હાજરી અથવા વર્ષ દરમ્યાન વધુમાં વધુ વખત મોડા આવનારને પરીક્ષામાં બેસવા દેવામાં આવશે નહીં.

પરીક્ષા દરમ્યાન કોઈપણ ગેરરીતિ આચરનાર પરીક્ષામાંથી બાકાત કરી શકાશે.

સર્વાંગી મૂલ્યાંકનના ભાગ રૂપે વર્ગકાર્ય / ગૃહકાર્યની નોટ ચોખ્ખી, સુંદર મરોડદાર અક્ષરોવાળી હોવી આવશ્યક છે જેથી વાલીશ્રીઓએ શરૂઆતથી જ આ બાબતે બાળક પાસે કાળજી કરાવવી.

ગણવેશ બાબતે :

કિંમતી ઘરેણાં, રોકડ રકમ, નેઈલપોલિશ, શૃંગારના સાધનો, હેરડાઈ, ટેટું વગેરે આધુનિક સ્ટાઈલ શાળામાં ચાલશે નહીં.

વાલીશ્રીએ બાળકોને સ્વચ્છ, ઈસ્ત્રીવાળો, બાળકની સાઈઝનો યુનિફોર્મ પહેરાવી મોકલવું.

દરરોજ હાથરૂમાલ, આસન સાથે મોકલવું.

વિદ્યાર્થીનીઓના વાળ લાંબા હોય તેમણે કાળી રીબીનથી ઉપર બાંધવાના રહેશે. ટૂંકા વાળમાં કાળી હેરબેન્ડ કે પીન લગાવવી.

નખ, વાળમાં અનિયમિતતા રાખનારને બરતરફ કરી શકાશે.

ઉપરોકત બાબતોને આધારે પણ બાળકને વેલ્ડન કાર્ડ / બેસ્ટ સ્ટુડન્ટ એવોર્ડ મળી શકે છે.

માંદગી બાબતે :

વિશેષ શારીરિક સ્વાસ્થય સંબંધી તથા બાળકની અન્ય શારીરિક, માનસિક, કૌટુંબિક સમસ્યા માટે વાલીશ્રીએ જરૂર મુજબ ડૉકટરી સર્ટીફિકેટ રજુ કરી રૂબરૂ મળવું.

ત્રણ દિવસથી વધુ માંદગી વાળા બાળકો માટે વાલીશ્રીએ પત્ર અને સર્ટિ આપી શાળામાં દિન - ૨ માં જાણ કરવી. ફોન દ્વારા તાત્કાલિક ધોરણે જાણ કરી શકાશે.

વધુ માંદગી હોય તો ઉતાવળથી શાળાએ મોકલવું નહીં. સ્વસ્થ થયેથી જ બાળકને શાળામાં મોકલવું.

કાયમી અથવા અસાધ્ય માંદગી માટે શાળા શરૂઆતમાં ડૉકટરી પ્રમાણપત્ર સાથે વાલીશ્રીએ આચાર્યાશ્રી / વર્ગ શિક્ષકશ્રીને અચૂક જણાવવું.